අපිට හැමදාම හිඟන්නෝ වගේ ඉන්න බෑ – අගමැති

ණය ගෙවා දැමිය හැකි ආර්ථිකයක් නිර්මාණය කරන බවත් ශ්‍රී ලංකාවට ණය ලබාගැනීමට පවා අවස්ථාවක් නොතිබුණ බවත් අග්‍රාමාත්‍ය රනිල් වික්‍රමසිංහ මහතා පවසයි.

ඊයේ (31දා) කඩුවෙල පැවැති උත්සවයකදී අදහස් දක්වමින් අග්‍රාමාත්‍යවරයා මේ බව පැවැසීය.

“යුද්ධයෙන් පස්සේ අපේ විශාල බලාපොරොත්තුවක් තිබුණා අපේ ආර්ථිකය දියුණු වෙලා එයි කියලා. අපි ආණ්ඩුව භාර ගන්න කොට ණය වෙලා ණය වෙලා කොච්චර ණය ගත්තද කිව්වොත් අපිට ණය දෙන්නවත් කවුරුවත් ලෑස්ති වුණේ නෑ.

අමාරුවෙන් අපි ණය ගන්න රටේ ආයෙමත් විශ්වාසයක් ඇතිකළා. මොකද අපි ණය ගන්නේ නැත්නම් තියෙන ණය ආපහු ගෙවන්න බෑ. අමාරුයි. අපි ඔක්කොම දුක් වින්දා.

අපිට ගංවතුරට මුහුණ දෙන්න සිදුවුණා. ගංවතුරෙන් පස්සේ නියඟයට මුහුණ දුන්නා. නියඟයෙන් පස්සේ ප්‍රා දේශිය සභා ඡන්දය පැරදුණා. සමහරු හිතුවා ආණ්ඩුව ඉවරයි කියලා.

ඒකත් අල්ලගෙන කොහොමහරි ඉදිරියට ගියා. කුමන්ත්‍රණයෙන් අපි දවස් 52ක් එළියේ හිටියා. හුඟක් අය හිතුවා අපි වැටිලා කියලා.ඒකත් උස්සගෙන ආවා.

ඊට පස්සේ පාස්කු ඉරිදා බෝම්බය ඇතිවුණා. පාස්කු ඉරිදට පෙර සිකුරාදා සෙනසුරාදා බැලුවනම් එදා තිබුණේ හොඳ ආර්ථිකයක්.

මේ බෝම්බෙන් පස්සෙත් අපි ගැන ආර්ථිකය ගැන විශ්වාසයක් තිබෙනවා. අපි ණය ගෙවන්න පුළුවන් ආර්ථිකයක් හදනවා. අපිට හැම දාම ණය වෙවී ඉන්න බෑ. අපිටත් හැමදාම හිඟන්නෝ වගේ ඉන්න බෑ. අපිටත් ආත්ම ගෞරවයක් තිබෙනවා. අපිට ශ්‍රී ලංකාව හැටියට කෙලින් වැඩ කරන්න පුළුවන් වෙන්න ඕන.”

(Visited 10 times, 1 visits today)

Related posts

Leave a Comment