මාස දෙකකින් සෑම උපාධිධාරියෙකුටම රැකියාවක් – සජිත්

තමා ජනාධිපති වී මාස දෙකක් ඇතුළත රැකියා නොමැති සෑම උපාධිධාරියෙකුටම රැකියා ලබා දෙන බව නව ප්‍රජාතන්ත්‍රවාදී පෙරමුණේ ජනාධිපතිධූර අපෙක්ෂක සජිත් ප්‍රේමදාස මහතා (02දා) පැවැසීය.

ලක්ෂ ගණනක් වූ ත්‍රී රෝද රථ රියදුරන්ට ඇපයක් පොලියක් නොමැතිව රුපියල් ලක්ෂ 3 ක ණයක් ලබා දෙන බව ද ඒ මහතා කීවේය.

මාවනැල්ල හා ගම්පොල පැවැති ජනරැළි අමතමින් නව ප්‍රජාතන්ත්‍රවාදී පෙරමුණේ ජනාධිපතිධූර අපේක්ෂක සජිත් ප්‍රේමදාස මහතා මහතා මෙසේද කීය.

“සෑම ප්‍රාදේශිය ලේකම් බලප්‍රදේශයක්ම මුලික කරගෙන කර්මාන්ත පුර අරඹනවා. ඒ කර්මාන්ත පුරවර වැඩසටහන තුළ යොවුන් පරපුරට රැකි රක්ෂා ලැබෙනවා. බංග්ලාදේශයට, ඉන්දියාවට, වියට්නාමයට, කාම්බෝජියට යන සෘජු විදේශ ආයෝජන අපි අපේ මාතෘභුමියට රැගෙන එනවා.

අපේ යොවුන් පරපුර ඩිජිටල් විප්ලවය ගැන ලොකුවට කතා කරනවා. එය කතාවට පමණක් සිමා නොකර මහපොලොවේ ක්‍රියාත්මක කිරීමට අපි නව තාක්ෂණ විද්‍යාල ආරම්භ කරනවා. සෑම ප්‍රාදේශීය ලේකම් කොට්ඨාශයකම තාක්ෂණ විද්‍යාල ආරම්භ කරලා එහි ජාත්‍යන්තර ප්‍රමිතියට පත්වනවා.”

(Visited 4 times, 1 visits today)

Related posts

Leave a Comment