මෙරට කොරෝනා අසාදිත සංඛ්‍යාව 2816 දක්වා ඉහළට.!

එක්සත් අරාබි එමීර් රාජ්‍යයේ සිට පැමිණි පුද්ගලයෙකු කොරෝනා ආසාදිතයෙකු ලෙස හඳුනාගැනීමත් සමඟ මෙරට සමස්ත කොරෝනා ආසාදිතයන්ගේ සංඛ්‍යාව 2,816 දක්වා ඉහළ ගියා. එමෙන්ම තවත් කොරෝනා ආසාදිතයන් 75 දෙනෙකු අද දිනයේ පූර්ණ සුවය ලබා රෝහල්වලින් නික්මී තිබෙනවා. කන්දකාඩු ප්‍රතිකාර මධ්‍යස්ථානයේ රැඳවියන් 64 දෙනෙකු, ජාතික බෝවන රෝග විද්‍යායතනයේ රෝගීන් 4 දෙනෙකු සහ වැලිකන්ද මූලික රෝහලේ ආසාදිතයන් හතරදෙනෙකු මෙන්ම මිනුවන්ගොඩ මූලික රෝහලේ ප්‍රතිකාර ලැබූ කොරෝනා ආසාදිතයන් තුන්දෙනෙකු මෙලෙස අද රෝහලෙන් නික්මුණා. ඒ අනුව තවදුරටත් රෝහල්ගතව ප්‍රතිකාර ලබන කොරෝනා රෝගීන් සංඛ්‍යාව 291ක් වන අතර සුවය ලැබූ සමස්ත ආසාදිතයන් ගණන 2514ක්.

පැනගිය කොරෝනා රෝගියා නැවත IDH රෝහලට.!

IDH රෝහලෙන් පළා ගිය කොරෝනා ආසාදිත කන්දකාඩු රැඳවියා කොළඹ ජාතික රෝහලේ භාහිර රෝගී ප්‍රතිකාර ඒකකයේදී පොලිසිය භාරයට ගෙන ඇත. යුධ හමුදා බුද්ධි අංශ විසින් මෙම පළා ගිය රෝගියා කොළඹ ජාතික රෝහලේදී සොයා ගෙන සිය භාරයට ගෙන ඇති බවයි වාර්තා වන්නේ. යුධ හමුදා මාධ්‍ය ප්‍රකාශක බ්‍රිගේඩියර් චන්දන වික්‍රමසිංහ ප්‍රකාශ කළේ මේ වන විට එම කොරෝනා ආසාදිත රෝගියා යලි IDH රෝහලට ඇතුලත් කිරීම සඳහා අවශ්‍ය ක්‍රියා මාර්ග ගෙන ඇති බවයි

තැපැල් ඡන්ද නොදැමු ඡන්ද හිමියන්ට අද සහ හෙට අවස්ථාව..!

තැපැල් ඡන්දය සළකුණු කිරීමට නොහැකි වූ තැපැල් ඡන්ද හිමියන්ට ඒ සඳහා අද සහ හෙට අවස්ථාව හිමි වන බව මැතිවරණ කොමිෂන් සභාව පවසයි. ඒ අනුව අද පෙරවරු 8.30 සිට පස්වරු 4 දක්වා සහ හෙට පෙරවරු 8.30 සිට පස්වරු දෙක දක්වා තැපැල් ඡන්ද සළකුණු කිරීමට අවස්ථාව සළසා දී තිබෙනවා. මෙතෙක් සිය තැපැල් ඡන්දය සළකුණු කිරීමට නොහැකි වූ තැපැල් ඡන්ද හිමියන්ට තම කාර්යාලය පිහිටි දිස්ත්‍රික්කයේ, දිස්ත්‍රික් මැතිවරණ කාර්යාලයේදී මෙම පහසුකම සළසා ගත හැකියි. ඡන්ද මධ්‍යස්ථාන හරහා කොරෝනා ව්‍යාප්තියක් සිදු නොවන බවට ජනතාවට සහතික විය හැකි බව මැතිවරණ කොමිෂන් සභාවේ සභාපති මහින්ද දේශප්‍රිය ප්‍රකාශ…

කොරෝනා රෝගියෙකු IDH රෝහලෙන් පැනයයි|පොලිසීය මහජන සහය පතයි.!

ප්‍රතිකාර ලබමින් සිටි රෝගියෙකු එම රෝහලෙන් පලා ගොස් තිබෙනවා. ඔහු මත්ද්‍රව්‍යවලට ඇබ්බැහි වූ පුද්ගලයෙකු වන අතර අපරාධයක් සඳහා සැකකරුවෙකුද වන බවයි වාර්තා වන්නේ. තවද, ඔහුගේ වම් කකුල ආබාධයක් හේතුවෙන් ඇවිදින විට කොර ගසන ස්වභාවය ඔහුව හඳුනා ගැනීමේ විශේෂ ලක්ෂණයක් වනවා. මෙම තැනැත්තා හැකි ඉක්මනින් සොයා ගැනීමට මහජන සහාය අවශ්‍ය බව පොලිස් මාධ්‍ය ප්‍රකාශක ජාලිය සේනාරත්න මහතා සඳහන් කර තිබෙනවා. ඒ සඳහා පහත දුරකථන අංක වලට ඇමතිය හැකියි. 119071859101707185922900718591864 ඔහුගේ සම්පූර්ණ විස්තරය පහතින්.. නම : එල්සියාම් නසීම්Elsiyam nazeemවයස : අවුරුදු 41ලිපිනය : සින්නම්පිල්ලෙසිමෙයි, වල්ලිමලර්, ත්‍රිකුණාමලය.Sinnampilleisimei, Wellimalar, Trincomalee.

නිරෝධායන මධ්‍යස්ථානවල සිටින පුද්ගලයන්ට ඡන්දය ප්‍රකාශ කිරීමට විශේෂ දිනයක්..!

නිරෝධායන මධ්‍යස්ථානවල සිටින පුද්ගලයන්ට සිය ඡන්දය ප්‍රකාශ කිරීම සඳහා විශේෂ දිනයක් මැතිවරණ කොමිසම විසින් ප්‍රකාශයට පත්කර තිබෙනවා. ඒ අනුව මෙම මස 31 වනදා ඔවුන්ට සිය ඡන්දය ප්‍රකාශ කිරීමට අවස්ථාව හිමිවනු ඇති.

හම්බන්තොට දිස්ත්‍රීක්කයේ තවත් 43කගේ PCR සාම්පල ලබාගනී..!

හම්බන්තොට දිස්ත්‍රීක්කයේ නිරෝධායනය වෙමින් සිටින පුද්ගලයන් 43 දෙනකුගේ PCR පරීක්ෂණ සඳහා සාම්පල ලබාගැනීම අද (21) තංගල්ල කොටුගොඩැල්ල ක්‍රීඩාංගණයේදී සිදුකෙරුණා. හම්බන්තොට දිස්ත්‍රීක්කයේ නිරෝධායනය වෙමින් සිටි තංගල්ල, බෙලිඅත්ත, කඳුරුපොකුණ සහ වීරකැටිය යන ප්‍රදේශවල 43 දෙනකුගේ PCR පරීක්ෂණ සඳහා සාම්පල ලබා ගැනීම මෙලෙස සිදු කළා. වසංගත රෝග විශේෂඥ වෛද්‍ය ක්‍රිෂාන්ත ජයසිංහ, තංගල්ල සෞඛ්‍ය වෙද්‍ය නිලධාරි ජගත් ගජධීර මහතාගේ මූලිකත්වයෙන් තංගල්ල මූලස්ථාන පොලිස් ස්ථානයේ නිලධාරින්ගේ සහයෝගයෙන් මෙම සාම්පල ලබා ගැනීම සිදුකෙරුණා.

ගම්පහ ගුරුවරයෙකුට කොරෝනා ආසාදිතයි | පන්තිත් පවත්වලා..!

නව කොරෝනා වෛරසය ආසාදනය වූ ගම්පහ ප්‍රදේශයේ භෞතික විද්‍යා ගුරුවරයාගේ ආශ්‍රිතයින් 150 දෙනෙකු PCR පරීක්ෂණ සිදුකළ බව ගම්පහ දිස්ත්‍රික් සෞඛ්‍ය වෛද්‍ය නිලධාරි සුභාස් සුබසිංහ ප්‍රකාශ කර සිටිනවා. මෙම ගුරුවරයාට නව කොරෝනා වෛරසය ආසාදනය වී ඇති බවට පසුගිය 19 වෙනිදා තහවුරු වූ බවයි දිස්ත්‍රික් සෞඛ්‍ය වෛද්‍ය නිලධාරිවරයා කියා සිටියේ. මිට පෙර කොරෝනා වෛරසය ආසාදනය වූ කන්දකාඩු පුනුරුත්ථාපන මධ්‍යස්ථානයේ උපදේශකවරුන් රැගෙන ගිය රියදුරෙකු ගෙන් මෙම ගුරුවරයාට කොරෝනා වෛරසය ආසාදනය වී ඇති බව වෛද්‍ය සුභාස් සුබසිංහ ප්‍රකාශ කළේ. මෙම ගුරුවරයා ගම්පහ ප්‍රදේශයේ විදුහලක ඉගැන්වීම් සිදුකර ඇති අතර ඔහු ළමුන්ට උපකාරක පංතිද පවත්වා ඇති…

මුඛ ආවරණ නොපළදින්නන්ට සති අන්තයේදී පංති..!

මුඛ ආවරණ පැළදීම සම්බන්ධයෙන් අවධානය යොමු නොකරන ජනතාව, පොලිස් ස්ථාන වෙත ගෙන්වා එහි වැදගත්කම පිළිබඳව වෛද්‍යවරයෙකු ලවා පංති පැවැත්වීමට තීරණය කර ඇති බව බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් පවසයි. සෞඛ්‍ය සේවා අධ්‍යක්ෂක ජෙනරාල් වරයා සඳහන් කර ඇති පරිදි කොරෝනා පමණක් නොව බෝවන බොහෝ රෝග වලින් මුඛ ආවරණ පැළඳීම මඟින් ආරක්ෂා විය හැකි හෙයින් පොලිසිය නිරන්තරයෙන් මහජනතාවගෙන් මෙම ඉල්ලීම සිදු කර ඇති බවද ඒ මහතා සඳහන් කළේය.

මෙරට කොරෝනා ආසාදිතයින් ගණන තවත් ඉහළට..!

Covid-19 වෛරසය ආසාදනය වූ තවත් 3 දෙනෙකු වාර්තා වී තිබෙනවා. ඒ සමඟ මෙරට සමස්ත ආසාදිතයින් සංඛ්‍යාව 2711 දක්වා ඉහළ ගොස් ඇත. මොවුන් තිදෙනා කටාර් රාජ්‍යයේ සිට මෙරටට පැමිණ නිරෝධායනයට ලක්ව සිටින අය බවයි රජයේ ප්‍රවෘත්ති දෙපාර්තමේන්තුව සඳහන් කළේ. මීට පෙර තවත් ආසාදිතයින් 4 දෙනෙකු වාර්තා වූ අතර ඒ අනුව අද දිනයේ මේ දක්වා කාලය තුළ වාර්තා වූ ආසාදිතයින් සංඛ්‍යාව 7ක්.

ඇමරිකාව දේශපාලන මත ගැටුමක : කොරෝනා ආසාදිතයන් දිනෙන් දින ඉහළ යයි..!

ඇමරිකාවේ දෛනික ආසාදිතයන් ගණන දිනෙන් දින ඉහළ යමින් පවතිනවා.ගෙවීගිය බ්‍රහස්පතින්දා වාර්තා වූ 77,000කට වැඩි වාර්තාගත ඉහළ යාමකින් පසු, සිකුරාදා දිනයේ 71,000 ඉක්මවා ආසාදිතයන් ඉහළ ගොස් තිබේ. ඒ අනුව මේ වනවිට ඇමෙරිකා එක්සත් ජනපදයේ සමස්ත කොවිඩ්-19 මරණ සංඛ්‍යාව 140,119ක් ලෙස වාර්තා වන අතර, සමස්ත ආසාදිත අගය 3,711,297ක් බව ජෝන්ස් හොප්කින්ස් විශ්වවිද්‍යාලය පවසයි.කෙසේ වෙතත් මුඛ ආවරණ පැලඳිය යුතුද සහ සති කිහිපයකින් පාසල් නැවත විවෘත කළ යුතුද යන්න පිළිබඳව ඇමෙරිකානුවන් දේශපාලනමය ගැටුම් ඇති කරගනිමින් සිටි.